Cupa Iomain na h-Òige

Read in English below

Thàinig cluicheadairean òga iomain le Gàidhlig bho air feadh na Gàidhealtachd còmhla airson trì latha farpais sa Ghiblean agus sa Chèitean.

Tha Cupa Iomain na h-Òige air a chumail gach bliadhna agus tha an fharpais nàiseanta gu sònraichte do chloinn a tha a’ frithealadh Foghlam tron Ghàidhlig air feadh Alba. Tha na tachartasan a’ toirt cothrom do dh’òigridh a’ Ghàidhlig a chleachdadh ann an àrainneachd spòrs.

Thuirt an Comhairliche Biz Chaimbeul: “Tha a’ Ghàidhlig agus iomain nam pàirtean fìor chudromach dhen chultar againn anns a’ Ghàidhealtachd agus mar sin bha e mìorbhaileach a bhith a’ faicinn nan gillean is nan caileagan òga uile a’ cluiche cho math agus a’ bruidhinn na Gàidhlig fhad ’s a bha iad a’ dèanamh seo.

“Tha an tachartas seo a’ cur taic ris an obair mhath a tha a’ dol air adhart gus an cànan is an cultar traidiseanta againn a bhrosnachadh is a chumail suas sna sgoiltean is sna coimhearsnachdan againn air feadh na Gàidhealtachd.”

B’ iad sgoiltean an Eilein Sgitheanaich a dh’fhosgail an fharpais – a tha air a cumail tron Ghàidhlig air fad – agus bha a’ chiad gheama ann am Port Rìgh air Diardaoin 24 Giblean.

B’ i Bun-Sgoil Ghàidhlig Phort Rìgh a bhuannaich Cupa DR Dhòmhnallaich, agus b’ e mac a b’ òige DR, Gilleasbuig, a thug seachad an geall-dùbhlain. Tha an duais ag aithneachadh is a’ cuimhneachadh air DR mar ghaisgeach a rinn na h-uimhir fad iomadh bliadhna, an dà chuid airson iomain agus foghlam Gàidhlig, anns an Eilean Sgitheanach.

B’ i Bun-Sgoil Stafainn, a bha san dàrna àite san fharpais, a choisinn Duais Ghàidhlig Chomhairle na Gàidhealtachd. B’ e an Comhairliche Calum Rothach, a tha dìreach air a dhreuchd mar Chomhairliche airson an Eilein Sgitheanaich agus Ratharsair fhàgail agus a bha cuideachd na Chathraiche air Comataidh Gàidhlig Chomhairle na Gàidhealtachd, a thug seachad an duais. Bha sgoiltean à Slèite, às an Àth Leathainn agus à Dùn Bheagain cuideachd an làthair.

Air Dihaoine 25 Giblean, thàinig sgoiltean à Ros, Inbhir Nis agus Inbhir Narann còmhla aig Cluba Camanachd Chabar-Fèidh ann an Srath Pheofhair.

Bha e iomchaidh meal-an-naidheachd a chur air Bun-Sgoil Ghàidhlig Inbhir Nis a thog an cupa is iad air buannachadh an aghaidh Inbhir Pheofharain sa chuairt dheireannaich. Fhuair iadsan an duais bhon Chomhairliche Biz Chaimbeul, Iar-Neach-Gairm Comataidh Gàidhlig na Comhairle.

Chaidh meal-an-naidheachd a chur air Bun-Sgoil Bruach a’ Mhuilinn à Inbhir Narann a bhuannaich Duais Ghàidhlig Chomhairle na Gàidhealtachd. B’ e an Comhairliche Sean Ceanadach a thug seachad an duais. Thuirt esan: “Bha e na adhbhar misneachd a bhith a’ faicinn na h-uimhir de dhaoine òga an sàs san tachartas. Tha e cho follaiseach gu bheil gaol mòr aca an dà chuid air a’ chànan agus air an spòrs.”

Chaidh na sgiobaidhean uile a mholadh airson an oidhirpean ann a bhith a’ cleachdadh na Gàidhlig tron latha. Chaidh Cupa Bhòrd na Gàidhlig a thoirt seachad do Bhun-Sgoil Ullapuil aig an robh ceithir sgiobaidhean a’ gabhail pàirt. 

Chaidh taing a thoirt do Chomhairle na Gàidhealtachd airson an taic agus do Bhòrd na Gàidhlig airson pròiseact Camanachd na h-Alba a mhaoineachadh.

Chaidh tuilleadh thachartasan a chumail ann an Drochaid an Easbaig do sgoiltean mu dheas, agus chaidh an fharpais mu dheireadh a chumail ann an Àth Tharracail air Diardaoin 1 Cèitean. Ann an Àth Tharracail, bhuannaich Bun-Sgoil Ghàidhlig Loch Abar an dà chupa.

 

Cupa Iomain na h-Òige

Young Gaelic speaking shinty players from across the Highlands came together for three days of competition during April and May.

The annual Cupa Iomain na h-Òige national shinty festival is for children attending Gaelic medium education throughout Scotland.

The events provide Gaelic speaking youngsters with usage opportunities within the sporting environment.

Councillor Biz Campbell said: “Gaelic and shinty are hugely important strands of our culture in the Highlands so it was wonderful to see the young boys and girls all playing so well and speaking Gaelic while they were doing so.

“The event supports the great work that goes on to encourage and sustain our traditional language and culture in our schools and our communities across Highland.”

Skye schools got the competition – all of which is conducted in Gaelic – underway at Portree on Thursday 24th April.

Bun-Sgoil Ghàidhlig Phort Rìgh won the DR MacDonald Cup, and the trophy was presented by DR’s youngest son, Gilleasbuig.

The prize recognises DR as a fondly remembered stalwart of shinty and Gaelic education for many years in Skye.

The competition runners up, Bun-Sgoil Stafainn, received the Highland Council Gaelic Award. This was presented by departing Councillor for Skye and Raasay Calum Munro, who is former chair of Highland Council’s Gaelic Committee.    

Schools from Sleat, Broadford and Dunvegan were also represented on the day.

On Friday 25th April schools in Ross, Inverness and Nairn were involved at Caberfeidh Shinty Club in Strathpeffer.

Congratulations were due to Bun-Sgoil Ghàidhlig Inbhir Nis who lifted the cup with a convincing victory against Dingwall in the final. They received the award from Councillor Biz Campbell, vice convener of the council and a member of the council’s Gaelic committee.

Congratulations were paid to Bun-Sgoil Bruach a’ Mhuilinn/Millbank Primary School from Nairn who won Highland Council’s Gaelic Award.

This was presented by Councillor Sean Kennedy, who added: “It was really encouraging to see so many young people involved in the event. Their passion for the language and sport shone through.”

All teams were commended for their efforts in using Gaelic throughout the day.

The Bòrd na Gàidhlig Cup was presented to Ullapool Primary School who sent four teams to take part.

Thanks were paid to Highland Council for their support and to Bòrd na Gàidhlig for funding the Camanachd na h-Alba project.

Further events took place at Bishopbriggs for schools in the southern region, while Acharacle hosted the last day of competition on Thursday 1st May.

In Acharacle both cups were won by Bun-Sgoil Ghàidhlig Loch Abar.