Chaidh na buannachdan eaconamach, cultarach is cànanach a tha an lùib dà phrìomh fhèis a thoirt am follais mu choinneamh Comataidh Gàidhlig Chomhairle na Gàidhealtachd an t-seachdain seo.
Chaidh aithisgean fìor mhisneachail a thoirt seachad mun Mhòd Nàiseanta Rìoghail a chaidh a chumail ann an Loch Abar san Dàmhair an-uiridh, agus mu Fhèis Bhlas, a tha ga cumail anns a’ Ghàidhealtachd gach Sultain.
Thuirt an Comhairliche Drew Mac a’ Mhuilleir, Cathraiche Comataidh Gàidhlig Chomhairle na Gàidhealtachd: “Tha na h-aithisgean seo a’ sealltainn an luaich a tha a’ tighinn bho thaic leantainneach na Comhairle a thaobh cànan is cultar na Gàidhlig.
“Nuair a tha sinn a’ brosnachadh is ag adhartachadh na Gàidhlig, tha sinn cuideachd a’ toirt spionnadh dhan eaconamaidh agus a’ toirt taic do dh’obraichean.
“Tha a’ Ghàidhlig agus cultar na Gàidhlig a’ toirt buannachdan mòra chun na Gàidhealtachd agus tha sinn a’ cur meal an naidheachd air a h-uile neach a tha an sàs ann a bhith a’ dealbhadh is a’ lìbhrigeadh nam fèisean air leth seo.”
Chaidh coimisean a thoirt do Sheumas Adam, Tourism Resources Company, às leth luchd-eagrachaidh a’ Mhòid, An Comunn Gàidhealach, gus aithisg buaidh eaconamach a sgrìobhadh mun fhèis.
Sheall na toraidhean mionaideach aige gun do thog Mòd Nàiseanta Rìoghail Loch Abar 2025 mu £3.9 millean ann am buannachd eaconamach, a’ tarraing còrr is 9,400 neach thairis air an 10 latha.
A rèir toradh an rannsachaidh, bhathar a’ tuairmse gun deach co-ionann ri 69 obair làn-ùine a chruthachadh tro bhith a’ cumail an tachartais ann an Loch Abar.
The Lochaber Mod brought in £3.9 million for the local economy - Pic An Comunn Gàidhealach
Fhuair Mòd Loch Abar taic bho Chomhairle na Gàidhealtachd, EventScotland (VisitScotland), Bòrd na Gàidhlig, Riaghaltas na h-Alba, Caledonian Mac a’ Bhriuthainn, BBC ALBA, Alba Chruthachail agus Ùghdarras Teisteanasan na h-Alba.
A thaobh tasgadh Chomhairle na Gàidhealtachd, bhathar a’ tuairmse gun robh toradh de mu £26 ann airson gach £1 a chaidh a chosg.
Bidh am Mòd Nàiseanta Rìoghail a’ tilleadh gu sgìre na Gàidhealtachd ann an 2029. Chaidh aontachadh gun ullaicheadh oifigearan Aonta Lìbhrigeadh Seirbheis ùr airson taic a thoirt dhan tachartas.
Tha Fèis Bhlas, a tha air a stiùireadh le Fèisean nan Gàidheal (FnanG), air co-dhiù £9 millean a lìbhrigeadh ann am buannachd eaconamach do sgìre na Gàidhealtachd bho thòisich i.
Bho chaidh Blas a chur air bhog ann an 2005 tha i air:
- cosnadh a thoirt do 5,564 luchd-ciùil is seinneadairean
- còrr is 1,380 tachartas a chur air adhart air feadh na Gàidhealtachd
- luchd-èisteachd corporra de chòrr is 135,000 a tharraing
Dh’aontaich buill gun deigheadh maoineachadh bliadhnail a thoirt seachad airson na bliadhna seo, agus gum biodh taic san àm ri teachd fo ùmhlachd pròiseas stèidheachadh-buidseit bliadhnail na Comhairle.
Aig a’ choinneimh Diciadain thug buill fa-near cuideachd dhan obair a bha FnanG agus An Comunn Gàidhealach a’ gabhail os làimh le taic bho Chomhairle na Gàidhealtachd agus Bòrd na Gàidhlig a thaobh pròiseact Acadamaidh a’ Mhòid a chaidh a chumail ann an sgoiltean thar sgìre Loch Abar air thoiseach air Mòd Loch Abar.
Ghabh 20 sgoil ann an sgìre Loch Abar pàirt ann an Acadamaidh a’ Mhòid, a bha air a stiùireadh le sgioba de shianar oidean. Uile gu lèir, chaidh 473 seisean a lìbhrigeadh agus ghabh 464 leanabh pàirt. Ghabh còrr is 200 pàirt anns a’ Mhòd, an dàrna cuid ann am farpaisean aon neach no mar phàirt de chòmhlan.
Dh’aontaich na buill gum bu chòir do dh’iomairt Acadamaidh a’ Mhòid a bhith na pàirt de phròiseact dìleib Mòd Loch Abar 2025.
Gheibhear fiosrachadh iomlan mu na h-aithisgean an seo: https://www.highland.gov.uk/meetings/meeting/5309/gaelic-committee-comataidh-na-gaidhlig
***
Highland festivals generate positive impact for Gaelic and the economy
The economic, cultural and linguistic benefits of two leading festivals were highlighted before Highland Council’s Gaelic Committee this week.
Councillors on the committee were presented with highly positive reports on the Royal National Mòd, which was held in Lochaber last October, and the Blas festival, which takes place in Highland every September.
Cllr Drew Millar, Chair of the Highland Council’s Gaelic Committee, said: “These reports highlight the real value that comes from the council’s continued commitment to supporting Gaelic language and culture.
“When we encourage and promote Gaelic, we are boosting our economy and supporting jobs.
“Gaelic and Gaelic culture bring huge benefits for Highland and congratulations go to those involved in the planning and delivery of these excellent festivals.”
James Adam, Tourism Resources Company, was commissioned on behalf of Mòd organisers An Comunn Gàidhealach to draft an economic impact report on the festival.
His findings detailed that the Lochaber Royal National Mòd 2025 generated an estimated £3.9 million in economic benefit, attracting over 9,400 attendees over the course of its 10 days.
According to the research findings, 69 full-time equivalent jobs were estimated to have been created through staging the event in Lochaber.
The Lochaber Mòd was supported by Highland Council, EventScotland (VisitScotland) Bòrd na Gàidhlig, The Scottish Government, Caledonian MacBrayne, BBC ALBA, Creative Scotland and SQA.
The return on investment for Highland Council was an estimated £26 for every £1 spent.
The Royal National Mòd will return to the Highland area in 2029. It was agreed that officers should prepare a refreshed Service Delivery Agreement around the support for that event.
The Blas Festival, which is managed by Fèisean nan Gàidheal (FnanG), has delivered at least £9 million in cumulative economic benefit to the Highland area since its inception.
Since Blas was launched in 2005 it has employed
- 5,564 musicians and singers
- Promoted over 1,380 events throughout the Highlands
- Attracted physical audiences of over 135,000
Members agreed that while annual funding will be provided for the festival for the current year, future support will subject to the Council’s annual budget-setting process.
At Wednesday’s meeting members also noted the work undertaken by FnanG, and An Comunn Gàidhealach with support from Highland Council and Bòrd na Gàidhlig regarding the Mòd Academy project which took place in schools across the Lochaber Area in the lead up to the Lochaber Mòd.
20 schools in the Lochaber area took part in the Mòd Academy, led and taught by a team of six tutors.
Altogether there were 473 sessions delivered with a total of 464 children participating. More than 200 took part in the Mòd either as soloists or as part of a group.
The members agreed that the Mòd Academy initiative should form part of the Mòd Loch Abar 2025 legacy project.
Full details of the reports can be found here: https://www.highland.gov.uk/meetings/meeting/5309/gaelic-committee-comataidh-na-gaidhlig